Nandhang Brangta

NANDHANG BRANGTA

Sadawaning Malioboro, kaya-kaya mlaku tanpa nyawa

Ing sangandhap soroting wulan ndhadhari

Sineksi lelakon iki

Wewayangmu tan sumingkir

Senadyan wengi sansaya lingsir

Gandrung wuyung 

Gumleyang kapang katerak angin

Tansah sumedhot rasa ing batin

Sarira kadhung tresna

Mbukak sajembare kori ati

Nanging slirane hamung reka-reka

Ngumbar guyon, daktampa kejeron

Anggonku nandhang brangta

Nembang tangis sansaya deres

Welas tanpa wates

Langgeng, nadyan tanpa wales

Ngayogyakarta, 15 Juni 2022

Dening Anik Susanti